БЕРЛИН БОСИ.
Юмористический рассказ (на аварском языке)
Камиль, Арсен ва цогидалги гьалмагъзаби хабар-к1алалада рук1ана. Бицине рак1алде жо щварав Камилица абуна,нужеего цо анекдот бицинищилан, анекдотцин гуреб гьеб, нилъер гьаниб ккараб жо раг1улила абуна гьеб дие бицарасги.Гьедин гьалмагъзабиги г1енеккизарун, Камилица бицана:
"-Школалда историялъул учителас, ц1ализе лъик1ав гьеч1ев ц1алдохъанасе к1ийилаб къимат лъезе бокьич1огон, абун буго гьесде,дица кьураб суалалг1аги дуца бит1ун бицани, дица дуе четверталъе лъабилаб къимат лъелилан...Берлин лъица босараб?
-Дица босич1о, дида лъаларо гьеб лъица босарабали-ян жаваб гьабуна х1инкъадго ц1алдохъанас. Гьесул щибниги гьеч1еб лъаялда тамашалъун, ццин бахъарав учитель, гьесул инсухъе рукъове уна ва бицуна ккараб жо. Г1енеккунги вук1ун дос абула:
-Дир васас гьединаб жо гьабизе рес гьеч1о, Берлинги гьес г1одоб батаниги босулароян-ян. Т1ок1аб абизе жо лъач1огон учитель к1ибик1изабулаго бет1ергун гьениса къват1иве лъугьун, нахъе инее лъуна. Гьенибго мадугьалихъ бугеб рукъахъе щведал, гьениса къват1иве ваккарав чигун гара-ч1валулаго учителас бицуна живго гьаниве вач1иналъул г1илла ва бицуна ккара-тараб жо ...
-Берлин босини щиб гурин, бокьараб жо гьабизе нахъе къаларо гьел, васги, эменги. бат1алъи гьеч1о гьел киналго. Гьединаб жо гьезул хъизаналдаса гурониха баккулареб"...
Г1енеккун вук1арав цояс, Камилил лъуг1улеб харбил раг1иги къот1изабун гьикъула, лъицаха гъоб Берлин босун батарабилан. Гьесда г1ажаиблъун тамашалъарав Камилица абула, гьанже мух1канго бич1ч1анилан жинда, гьаб бицараб жо анекдот гуреб, унго-унгоги нилъер гьаниб росулъ ккезе рес бугеб жо бук1иналдайилан.
Салих1 Салих1ов
