forkredit.com | | vivaspb.com | finntalk.com
Печать
PDF
06
Апр.

Дозул наслу бук1ана Алмахъазул нахърателлъун.

Добавил(а) Administrator on 06 Апрель 2013.

Оценка пользователей: / 0
ПлохоОтлично 

public22Дун   г1олохъанлъуде   вахунеб   г1ужалъ   Калининаул   росдал   жамаг1аталда   гьоркьов   Рурах1мал   Г1умарилав   дида   ватана   бищун   к1удияв   г1акълучи,   цевехъанлъун.   Гьит1инго   жамаг1аталъул   ч1ах1ияздехун   ц1айи   бук1арав   дида   лъалаан  щивав   к1удиясулги   дандиязулги   г1амал-хасият.   Гьединан   кивехун   данделъабаздаги   щибаб   нухалъ   Г1умарилас   нахъекъай   гьеч1огон   х1аким   ват1а   гьавич1огон   бит1араб   раг1и   абулев   чи   вук1ана.   Ункъойида   т1асан   сонал   рук1аниги   гьедиг1ан   замана   барав   чийилан   гьесде   абулароан.   Вак1а-вахари   бугев   чи   вук1ана.   Г1емераб   бак1ги,   халкъги   дандч1варав   чи   вук1ана,   гьесул   хабар   раг1ине   бокьун   г1емерал   гьесдехун   жемунги   рук1унаан.   Гьесул   щибаб   раг1и   бук1ана   жиндаса   г1исиназе   насих1атлъун.   Ригь  арав   чийилан   ч1еч1огон   гьесул   къаялдаса   камич1о   х1айван,   г1и-ц1ани,  наял,   огород.  Дида   рак1алда   буго   чачанал   росулъе   рач1араб   заманалда   жамаг1аталъул   кинаб   данделъи   кканиги,   гьенире   г1ахьаллъун   чачаналги   рук1унаан,   вахун   трибунаялдегун   жамаг1аталдехун   гьес   абулаан   гьазие   х1укуматалъ   лъик1аб   бак1алдаса   ракьал   кьун   руго,   росулъе   рач1инеян   риччан   гьеч1о   гьал   доб   ракьалдаса.   Жидер   умумузеги,   т1аде   нижееги   балагьалъе   кканила   гьазул   гъалмагъирал.   Жив   кидалъизег1анила   вук1унев,   нужее   г1умроялъ   балагьалъе   ккезе   ругила   гьал   цадахъ   ругебг1ан   заманалда. Дун   г1олохъанлъуде   вахунев   чи   вук1иналъ   дида   лъалароан   гьеб   щиб   г1иллаялъ  абулеб   бугебали.  Гьединал   харбал   рицун   Г1умарилав   к1алъалагон   х1акимзабазцин   гьурмал   цоги   рахъалдехун   русинарулаан.   Кин   бугониги   х1акимзабаз    гъосул   хабарал   сверизаруна   жидерго   г1акълуялда   рекъон   кколедухъ.   Г1умарилас   нахъе   хут1аразе   тана   г1емерал   абиял   кицаби,   малъа-хъваял.   Гьесул   ирсилаллъун   кколел   васазул   цояв   Расулги   вук1ана   жиндирго   х1алалаб-бац1адаб   яшав   г1уц1арав,   жинда   сверухъ   ругезде   рази-ракиго   квер   кьолев   чи.   Щуго   васги   к1иго   ясги   лъик1аб   тарбия   кьун   г1езаруна,   гьес.   Дун   боц1ул   фермаялда   х1алт1улеб   заманалда   г1исинал   васал   Айдемир,   Г1амирилав,   Гиза   цадахълъун   Расул   фермаялда   х1алт1и   т1убазе   вач1унаан.   Расулил   х1алт1и    г1емерисеб   лъималаз   т1убазабулаан.   Г1амирилав   гьит1инго   вук1ана   х1алт1и   бокьулевги   инсудехун   ц1акъго   гьет1арав.   Абизе   бегьула   дида   цадахъ   дов  к1удиявги   г1унин,   х1алт1улъги   замана   цадахъ   анин.   Кивехун   х1алт1уде   кканиги   дос   цадахъ   рач1унаан   т1ахьал.   Х1ухьбахъиялъул   заманалда   хех   кодоре   т1ахьалги   росун   ц1алдезе   байбихьулаан.   Дица   гьесде   зама-заманалда   абулаан,    т1ахьалги   жалго   тун   свак   чучейилан.   Досул   к1алдиб   ругьунаб   раг1и   бук1ана,   жив   ц1ализе   кколила,   жив   вахъине   кколила   юристлъун.   Кват1ич1огон   гьев   ана   армиялда   хъулухъ   гьабизе.   Нахъе   вач1ун   хадув   Г1амирилав   Москваялде   ц1ализе   лъугьине   документал      кьезе   ана.   Дие   гьес   бицана   Москваялде   кьурал   кагътазда      гъорлъ   бук1ине   кколеб   батанила   Дагъистаналъул   Обкомалдасан   кьезе   кколеб   цо   кагъат.   Вач1ун   Мах1ачхъалаялдегун   гьеб   кагъат   балагьизе   лъугьиндал   лъилго   кумек   щолеб   бук1инч1ила.   Жиндица  нух   балагьанила   Москваялда   ц1алулей   йик1арай   Р.Х1амзатовасул   ясалде   т1аде.   Гьелъулгун   лъай-хъвай   гьабун   жиндир   мурад   бициндал   жал   анила   Расулиде   т1аде.   Жиндир   мурад   бициндал   рази-ракиго   гала-ч1валун   Расулица   кагъат   хъванила   Обкомалда   х1алт1улев   жиндирго   лъик1го   лъалев   чиясухъе,   гьав   чиясул   хъулухъ   т1убайилан.  Обкомалдаса   гьеб   кагъат   щун   жив   ц1ализе   ворч1анила   Московский   Ломоносовасул   ц1аралда   бугеб   университеталде.   Гьес   жиндаго   хадур   ц1ан   ц1алун   рахъинаруна   цогидал  вацалги.   Ц1али   лъик1ал   къиматаздалъун   лъугьине   гьабуна,   гьес   х1алт1изе   байбихьана     Дагъистаналъул  пачалихъалъул   университеталъул   юридикияб   факультеталъул   деканлъун.

public23 Х1алт1улеб   заманалда   гьесие рес   щвана   жинде   хьулалда   т1аде   вач1арасе   хъулухъ   гьабизеги.   Жив   х1алт1улаго   гьес   гьоркьохъ   бахъизе   теч1о   жиндирго   лъай   камил   гьабиялъул   х1алт1и.    Гьес   ц1унана   юридикиял    г1елмабазул    кандидатасул   ц1ар.   Гьесул   вац   Мах1ачица   бицана  Г1амирилас   хъван   х1адур   гьабун   бук1анила   юридикиял   г1елмабазул   докторасул   ц1ар  ц1униялъе    х1алт1аби.   Гьал   къоязда   гьеб   ц1ар   ц1унизе   къват1иве   вахъинеян   вук1арав   гьесие   рак1алдаго гьеч1огон   Аллагьасул   къадар   щвана.   К1икъойилъе   г1умро  щвеч1ев   гьесие   ккараб    ишалъ   Г1амирилав   лъалелщиназул   рак1алда   ч1ег1ераб   т1анк1    лъунилан   ккана. Гьоркьохъеб   лагаялъул   чи   вук1аниги,   г1емераб  г1акъло-лъаялъул    бет1ергьан   вук1ана   гьев.   Жамаг1аталъ   гьесде   ц1ар   тун   бук1ана   к1иабилев   Г1умарилавилан.     Ях1-намусалъе,   г1акъло-эсалъе   гьесда   ц1айи   бащадав   чи   къанаг1атги    ратиларо.   Дир   рак1алда   хут1ана:   Г1амириласул   рак1алда   бук1ана   жиндирго   росдал   г1адамазул   яшав   цебет1езабизе.   Росулъа   къват1ирехун   г1олохъаби   ине   ккунгурт1изелъун   бан   х1алт1ула   бук1ана   чед   бежулеб   пекарня,   х1алт1ула   бук1ана   пилорама,   цоги   лъезеги   бук1ана.   Гьесул   х1исабалда   бук1ана   ч1ах1иял   гьабал   разе,   росдал   къват1ахъе   асфальт   т1езе,   колхоз   ц1и   гьабизе,   бат1а-бат1аял   цехал   рагьизе,   росдал   г1адамазе   учузго   босизе   щвезелъун   кинабниги   т1аг1ел   хадубгъун   ч1езабизе.   Гьес   абулаан   пилорамаздаса   къват1ибе   унеб   рищни – х1уралъул   къарал   хъарщазул   тахтаби   гьаризе   ругила.   Абадиялъулго   жамаг1аталда   рак1алда   хут1улевлъун   абадияб   рукъове   ана   гьев   рак1   лъик1ав   инсан.   Халкъалъе   щвеч1огон   хут1ана   гьесда   гурони    т1оразе   к1оларел   рук1арал щвезе   рес   бук1арал   бигьалъаби.   Х1исаб   гьабураб   заманалда   Г1умариласул   наслуялъул   г1адамазда   гьоркьохъеб   гъаталъул   г1адамаздаса   анц1-анц1   нухалъ   ц1ик1к1араб   камиллъи   бугел,   цогидазеги   мисалияб   къаг1идаялда   г1акълугун,   къадругун   яшавун   г1адамазда   гьоркьор   рихьула.   Рихьич1о   гьел   халкъалъул   буголъиялдасан    ц1огьоца   хъант1и   реч1ч1ун   бет1ербахъи   гьабулеллъун.   Г1амирилав   вук1ана   лъилго   кумекалде   х1ажалъич1ев,   лъиего   х1ажатавлъун  жив   ватулев,   г1елмуги,   лъайги,   г1амалги   рекъарав,   жиндирго   пагьмуялдалъун   бакъул   ч1ор   г1адинан   нилъер   халкъалде   гьоркьове   ваккарав   цох1ого цо   г1алимчи.   Бит1ун   нилъер   жамаг1аталъе   х1ажатаб   заманалда   ват1алъана   гьев   нилъедаса.   Т1адег1анасде   хьул   буго    Г1умариласул   наслуялда   гьоркьосан   Г1амирилав г1адиназ   жеги   ц1ик1к1ун   бак1   кквелан.

Шиябодин  Халидов


Календарь исламский


Мусульманские праздники