Салих1 Салих1ов
Юмористический рассказ
Мурадбегил х1акъалъулъ харбал
Мунагьал чураяв Мурадбег кколаан х1инкъи щибали лъаларев, сундасаго нахъе къаларев унго-унгояв бихьинчияв г1адан. Бицунеб жо гьесул к1алъалесдехун ц1акъ х1еренаб махсародулаб бук1унаан. Цо г1алхуда гьит1инаб к1ожги бан, гьениб т1адго сордо бан квана-гьекъеги гьабулаго вук1унаан гьев. Чанго къват1иса бат1и-бат1ияв чиги камулароан гьениса г1алхуде кеп гьабизе рач1арал...
Цо къоялъ Хасавюрталде арав Мурадбег, дагьа-дагьаб жоги гьабун рокъове рек1ине ч1ун вук1ана. Аск1об ч1араб милициялъул машинаялдаса къват1иве вахъарав х1алт1ухъанас гьекъарав гьасде абула отделениеялде вилъине кколилан. Мурадбегица берцинго абула гьесде те дун живго, эхеде кват1илелде рек1ун ине ч1ч1ун вугилан. Амма милициялъулав гьав отделениеялде вачун гурони ч1оларо. Отделениеялде шун, милициялъулас цеве къот1ун вач1унев гьасда данд ч1вала г1алхуда квана-гьекъезе вач1аралъув вихьун лъалев вук1арав гьеб отделениеялъул начальник. Щиб-кинан гьес гьикъидал, Мурадбегица, рек1ине машина щведал мун вихьизе вач1анилан махсаро гьабула ва ккараб жо бицуна милициялъул начальникасда...
Начальникас довго милициясда т1ад къала машинаялдаги рек1инавун Мурадбег эхеде росулъе щвезавеян. Гьасги росулъе щвараб г1еч1огун, росдал цогидаб т1огьиб бугеб жиндирго рукъове щвезавун гурони нахъе виччаларо, ккараб жо г1аксалдехун буссиналда рази гьеч1ев, милициялъулав.
27
Фев.