Печать
27
Фев.

Забитги Набигулаги

Добавил(а) Administrator on 27 Февраль 2011.

Оценка пользователей: / 0
ПлохоОтлично 

Юмористический рассказ (на аварском языке)

Салих1 Салих1ов

Доб советияб заманаялъ Забитги, Набигулаги, цоцаз хисун дежурство бачун х1алт1улел рук1ана районалъул больницаялда медбраталлъун. Гьеб гуребги Забитица х1алт1одаса эркенаб заманаялъ г1адамазухъа г1арац т1алаб гьабич1огон гьезул унтарал цаби-г1усал рахъулаан. Кват1араб сардилъги ца-г1ус унтиялъ х1ал щвезабурал камулароан гьесул рокъоса, гьедин бук1аниги жеги г1адамасде гьумер бук1к1ун к1алъач1ев рази-ракияв, махсара бокьулев ва гьеб жинцагоги гьабулев чи вуго Забит. Доб больницаялда дежурствоялде ккун лъималазда уколал гьарулеб мехалда, гьел х1инкъун г1одун гурт1изе Забитица абулаанила, гьу-у-у, метер нужеда укол гьабизе вач1ине вугев чи лъалевани нужеда, ч1ах1и-и-и-ял квералги ругев цо чи, гьу-у-у – йилан…
. Гьедин, жинхъаго лъимал х1инкъиларедухъ хабарги бицун гьабулаан Забитица гьезда укол. Гьес махсароде лъималазе вицунев «метер вач1ине вугев кверал ч1ах1ияв чи» кколаан Забитил гьалмагъ гьев дежурствоялда хисулев Набигула. Чорхолъ къуват бугев. ч1ах1иял кверал ругев чи гьев вук1аниги, Набигулаги лъималазе х1еренав, лъик1ав тохтур вук1ана, мунагьал чураги гьесул Аллагьас.