Толеб буго дица
гьайбатаб росо
Дун сверизе арав г1урус ракьалда,
Г1арада чаг1азе кумек гьабизе,
Тараб дица росо г1олохъабазе
Ясазул сотнаби сверунги гьарун.
Дир дунялалъулгун даг1баги гьеч1о,
Ургъел ккун чучизе чиги дир гьеч1о,
Чанал пишаялда дунял сверизе
Санал дихъе риччай,виччан те ине.
Г1акъуба бихьараб лочнол т1инч1алъги
Т1аде щвараб балагь щибги х1ехьола.
Урхъараб салам дир г1олохъабазде -
Хъатго кьабич1огон кьурдулел васал!
Хъванк1иниб лапч рехун, кьвагьдон ва кьурдун
Расандулел руго авадан васал!
Урхъараб рокьигун, х1асрат-анищгун
Толеб буго дица гьайбатаб росо!!!
Участник Великой Отечественной войны из Алмака
Мансур Салих1ов